Source: via/jbonifacio
Catbalogan City - Gin kompirmar ni Calbayog City DILG Officer Gretchen Mae Corrales nga pormal na nga nag pasa han ira resignation letter hira San Policarpo Brgy Chairwoman Marcelina Aquino ngan han usa nga SK Chairman ha ira buhatan.
Sumala kan Corrales personal an rason ni Aquino han iya pag resign ka kapitan han barangay ngan ini natapos hadton Mayo 30, 2022 ngan lumingkod yana ka Brgy Kapitan han San Policarpo an First Kagawad nga hi Raul Nacorda, samtang, an SK Chairman naman in makuha han Licensure Exam for Teachers.
Kasumpay hini gin kompirmar liwat ni Corrales an pag resign nira Calbayog Councilor Charlie Coñejos, Cesar Sabenecio ngan Billy Martirez ngan kutob la yana nga Hunyo 30, 2022 an ira pag serbesyo han nasabi nga posisyon.
Nabaruan nga an rason han pag resign ni Coñejos in dara hadton iya kahimtang panlawas, samtang hira Sabenecio ngan Martirez in waray pa mag hatag hin pagklaro han rason han pag bul-iw hini han ira posisyon.
An nasabi nga mga opisyales han Calbayog in na magpasa han resignation katapos gud la han natabo nga pinili-ay hadton Mayo 9, 2022.
Haluyo naman han pag bul-iw han nasabi nga mga opisyal han ira tagsa tagsa nga posisyon, gin klaro ni Corrales diri apektado an trabaho hini ha konseho dara nga may ada pa quorum ngan an mga bag o nga mga konsehales in ma lingkod na yana nga Hunyo 30, 2022.
Manunumduman, tuig 2017, pira hadton mfa brgy opisyal han cuidad ngan mga kaalyado han pinatay nga mayor, Ronaldo Aquino in nag pahayag hin pag resign ha ira tagsa tagsa nga posisyon dara hadton sunod sunod nga kaso hin pamamatay han mga gin aaligar grupo han Private Armed Groups diin target hini adton mga barangay opisyal nga kaalyado ni Aquino.
Waray man madayon an pamag resign han mga brgy opisyal han cuidad, ini in nag resulta naman hin pa mag ibakwit hini kaupod an pira nga mga residente han 23 na mga brgy han Calbayog ngan namag ukoy ha mag kalain lain na lugar han cuidad ngan mga kahagrani hini na mga bungto.
Kaudgan hadton na mag ibakwit nga mga barangay in nag titikang ha mga tay aw na mga barangay han Calbayog.
An cuidad han Calbayog in mayda 157 na mga barangay.