BREAKING NEWS | P7M NA HALAGA NG DROGA NASABAT SA CARNAPPED NA KOTSE SA NORTHERN SAMAR

NALAMBAT operatiba ng Oplan Maharlika sa Allen Northern Samar ang isang kinarnap na kotse mula sa Tarlac City.

Pasado alas 3:00 ng madaling araw ng Martes, March 28 nang parahin ng pinagsanib na puwersa ng Highway Patrol Northern Samar at Northern Samar Oplan Maharlika ang kulay orange na Toyota Vios na may plakang CAI 1585.

Nang usisain ng mga otoridad ang sasakyan ay tumambad sa kanila ang sampung pakete ng shabu na nagkakahalaga ng humigit-kumulang P7M.

Narekober din mula sa mga sakay ng kotse na sina Jabbar Angni Azis, 29 anyos, residente ng Munai, Lanao Del Norte; Aminollah Moti H Mohammad, 43 anyos, residente ng Pantao, Ragat, Lanao Del Norte at Amenodeh Agul Mamao, 32 anyos, residente ng Victory Norte, Santiago City, Isabela ang ibat-ibang uri ng armas.

Nasa kostudiya na ng Allen Municipal Police Station ang nakaw na sasakyan pati na ang mga nakumpiskang droga at mga armas para sa beripikasyon.

contributed | Gil Anecito

March 28, 2023 | Ricky Brozas