CATBALOGAN CITY, Samar (March 28, 2023) -- Buhi, kundi duro na hin kamaluya, tuman nala nga nakakayakan, ngan totally dehydrated an lawas, ni Darlene Uy, an estudyante nga nawawara ma lima na ka-adlaw, han mahitad-an han mga miyembros han Catbalogan Law Enforcement Unit (CLEAU) kanina han Kulop ha dinhe nga siyudad.
Ha panguna nga report han Catbalogan CPS pinaagi kan OIC Chief of Police PLCol. Edwin Oloan, samtang nagdudumara hin Search and Rescue Operations an CLEAU ngan kapulisan kanina han kulop, ngan ginsusud-sod an kahilabaan han Antiao River -- nasipatan in usa nga lawas nga daw nakatagilid ha ligid han Salug ha bisinidad han P9 han Barangay Canlapwas.
Hirani ine han Tulay ngan Eskina ha Kalsada kun diin urhi nga nakita an nasabi nga estudyante dida han kulop han Marso 23, 2023, ngani hirani liwat ine ha ira manta panimalay.
Base han Police Report, sul-ot la gihap han estudyante an iya uniporme dida han kawara hine,
Tungod nga physically dehydrated an nasabi nga estudyante, dayon ine nga gindara ha Ospital para hin kaangayan nga atensiyon medikal, ngan yana in gintitimangno na han iya Pamilya ngan mga Doktor.
Kun ano an nahitabo nga nahi-ngadto hiya ha ligid han Antiao River, in dire pa klaro hapagkayana.
Manunumduman nga nahi-report an pagkawara han estudyante dida han Marso 23, 2023, kun diin lumakat ine tikang ha Catbalogan 1 Central Elementary School, ngan base han mga CCTV ngan imbestigasyon han kapulisan, in urhi nga nakita ine ha Eskina han Diversion Road ha Brgy. Canlapwas.
Tikang hine nga takna, waray na kitaa an estudyante Ngan natikadamo la an mga espekulasyon -- ngani ha mando han OIC Chief of Police kanina han aga ha CLEAU, nga sudsuron an kahilaba-an han Antiao River, ha pagbakasakali nga makita an nasabi nga estudyante nga mao man gud an nahitabo. ###
fb: Rommel Rutor
PS | Shared Photo CTTO